election Lodhran by ptibewal
بیول ڈاٹ نیٹ پاکستان تحریک انصاف کے چیئر مین عمرا ن خان نے حلقہ این اے 154 کے ضمنی انتخاب میں جہانگیر ترین کی کامیابی پر پاکستان تحریک انصاف کے کارکنوں کا شکریہ ادا کیا ہے ۔مائیکرو بلاگنگ ویب سائٹ پر ٹوئٹر پر اپنے پیغام میں عمران خان نے پاکستان تحریک انصاف کی بڑی کامیابی پر جہانگیر ترین اور ان کی ٹیم مبارکباد پیش کی ۔ان کا کہنا ہے کہ لودھراں میں پی ٹی آئی کے کارکنوں کے پختہ عزم اور بھرپور محنت پر ان شکریہ ادا کرتا ہوں ۔واضح رہے کہ قومی اسمبلی کے حلقہ این اے 154کے غیر سرکاری نتائج کے مطابق جہانگیر ترین نے صدیق بلوچ کو 43806ووٹوں سے شکست دی ۔ پاکستان تحریک انصاف کے امیدوار جہانگیر ترین نے ایک لاکھ 17 ہزار 53 ووٹ حاصل کیے جبکہ نواز لیگ کے صدیق بلوچ 73ہزار 247 ووٹ حاصل کرنے میں ہی کامیا ب ہو سک
فتح کے بعد تحریک انصاف کے کارکنوں نے جہانگیر ترین کے ڈیرے پر خوب جشن منایا اور ایک دوسرے کو مٹھائیاں کھلائیں، اس موقع پر میڈیا سے بات کرتے ہوئے جہانگیر ترین کا کہنا تھا کہ کامیابی پر لودھراں کے عوام کا شکریہ ادا کرتا ہوں جنہوں نے اربوں روپوں کے حکومتی پیکچ بھی مسترد کردیے جب کہ آج کی فتح سے 2013 کی دھاندلی ثابت ہوگئی ہے۔ انہوں نے کہا کہ ہم لودھراں کو ترقی کے راستے پرڈالیں گے اور عمران خان آج ریلی کی صورت میں عوام کو مبارکباد بھی دیں گے۔
واضح رہے کہ 2013 کے عام انتخاب میں صدیق بلوچ آزاد حیثیت سے کامیاب قرارپائے تھے اور پھر مسلم لیگ (ن) میں شمولیت اختیار کرلی تھی، صدیق بلوچ کی کامیابی کو جہانگیر ترین نے چیلنج کیا تھا جس پرالیکشن ٹریبونل نے حلقے میں دوبارہ انتخاب کرانے کا حکم دیا تھا۔
No comments:
Post a Comment